Hong Kong Lamzawhtu Le Palik Karlak i Entainak a Fak Chinchin| Video

| The Chin Journal | Hakha, Chin State

June 2019 in aa thawkmi Hong Kong lamzawhnak cu daih lei panh loin lamzawhtu mipi le palik karlak ah ruruhranghrang in i dohkalhnak tiang in a hun chuak.

August 31 hi ahohmanh lamzawhnak le lamcung ah i pumhnak tuah lo ding in cozah nih nawl a chuah ko nain ruahsur lak ah Hong Kong mipi an run chuak i lamzawhnak an tuah thotho.

Palik motor 20 hrawng nih lamzawhtu pawl thenthek ding in an dawi hna. Cu palik motor cu lamzawhtu pawl nih lungtum le palang bomb (molotov cocktail) nih an den hna. Palik zong nih tizik in gas bomb in mipi an kah ve hna i buai taktak in an um.

Hong Kong ah lamzawhnak fak piin a chuahnak aruang cu February 2019 ah khan Hong Kong cozah nih “Extradition Bill” timi fehter ding in a chuahpi ruang ah a si.

“Extradition Bill” hi fehter a si ahcun Hong Kong le Taiwan rammi hna nih sualnak pakhatkhat an tuah i tlaihkhih an si tikah Tuluk cozah sin ah kuat khawh an si lai. Phundang in cun Tuluk cozah i dantatnak kha Hong Kong le Taiwan rammi zong nih an in lai ti a si.

Cucaah, ramchung ramleng ah a ummi Hong Kong le Taiwan rammi hna nih fak piin an doh. Tuluk nih kan ramkhel system cung ah ningcang loin thlaak aa tim, tiah an zumh caah Hong Kong ah lamzawhnak fak piin a chuah hi a si.

Latest News