Hniarlawnthar pawng Kahdohnak ah SAC Ralhrang 5 Thi

| The Chin Journal | Hakha, Chin State

Nihin zinglei sml. 10:00 hrawng in aa thawkmi Hniarlawnthar pawng kahdohnak ah SAC ralhrang lei in minung 5 an thi, tiah CNF chimnak nawlngei Salai Htet Ni nih a chim.

“Hniarlawnthar khuate ah zinglei sml. 10:00 hrawng in i kahnak a um i, SAC ralhrang lei in minung 5 an thi. Kanmah CNA/CDF lei on mithi/thliampu kan um lo. Hmaitonh in kan i kap ti awk ngaingai a ttha lo. Anmah lei nih cun kahthlorh in an kah,” tiah Khonumthung ah a chim.

Hniarlawnthar ah kum 13 pa ngakchia pakhat telh in minung 4 zong SAC ralharng nih an tlaih hna.

“Khua ah um ngam a si ti lo caah hmundang ah kan i tthial chung pah dih ko,” tiah Hniarlawnthar pastor pakhat nih The Chin Journal ah a chim.

Tu zaanlei sml. 5:00 hrawng ah khan Falam lei in SAC ralhrang khat tthup in a phormi motor 30 hrawng Hakha lei ah khulrang in an rak panh.

Latest News

News in Burmese