Hlan Cozah Sualpalhnak a Runvengtu Upadi Hrawh Timhmi a Sung Than

| The Chin Journal | Hakha, Chin State

Hlan ralkap cozah zung rianttuantu pawl nih an rak tuahmi sualpalhnak pawl dantat khawh lo ding in a kilvengtu upadi hrawh ding in NLD nih a chuahpi nain nihin vote laknak ah a sung tthan.

2008 Phunghrampi pohma 445 ah “Na-Wa-Ta le Na-A-Pha nih cozah rian kalning zul in an rak tuahmi thil kong ah nehhnu khirh in dantat um hlah seh,” tiah aa ttial.

Na Wa Ta timi “The State Law and Order Restoration Council” le Na-A-Pha timi “State Peace and Development Council” cu ralkap cozah chan a dih in hrawh an rak si cang.

Pohma 445 an hrawh khawh lo caah Na-Wa-Ta le Na-A-Pa nih cozah rian an rak tlaih chung ah sualpalhnak an rak tuahmi vialte kong ah tazacuai le dantat khawh an si ti lai lo.

Nihin zong ah pohma phun 14 remh ding in an chuahpimi vote lak a si i, a dihlak in an remh/hrawk kho lo.

Atu tiang ah 2008 phunghrampi chung in pohma 4 lawnglanwg hi an remh kawh rih.

Asinain, remh ding in abiapi bikbik timi ralkap he aa pehtlaimi pohma pakhathmanh an remh kho hna lo.

Latest News

News in Burmese