‘Hero Gold Cup’ Nu Bawlung Chuih ah Myanmar nih Nepal Goal 3-1 in an Tei Hna

| The Chin Journal | Hakha, Chin State

India ram ah tuahmi ‘Hero Gold Cup’ nu bawlung chuih ah Myanmar nih Nepal goal 3-1 in an tei hna.

Hero Gold Cup ah ram 4 an i zuam hna. Feb. 15 zaanlei ah Myanmar le Nepal fianal an kai i Myanmar nih goal 3 in teinak an hmuh.

Hero Gold Cup ah hin India, Myanmar, Nepal le Iran an i tel hna. Cu chung ah cun, oh-su an i then hna. Myanmar nih oh-su zuamnak ah a dotdot in teinak an hmuh.

Myanmar cu oh-su chuih a voikhatnak ah Nepal he an i tong i goal 3-0 in an tei hna. A voihnihnak oh-su chuih ah Iran he an i tong. Iran hi minthang an si caah Myanmar an i harh ngai. Asinain, a caan dih lai te ah Khin Moe Wai nih goal 1 a sut i teinak an hmuh than. Cu hnu ah cun, final an kai i teinak an hmuh hi a si.

Latest News