Hakha UDP Party nih Miphun Party an Dirkamh Lai

| The Chin Journal | Hakha, Chin State

United Democratic Party (UDP) cu Kawlrampi huap in hrawh a si cang bantuk in Hakha peng UDP party zong nih thimnak ah party dang thazaang pek ding in timhtuahnak an ngei.

Hakha peng UDP party upa hna nih atutan thimnak ah kanmah Chin miphun party dirkamh le thazaang pek ding in timhtuahnak kan ngei, tiah The Chin Journal sin ah an chim.

“Hakha peng ah hin UDP party chungtel 8,000 in 9,000 hrawnghrang kan um i, thimnak ah i cuh a ngah ti lo caah miphun party thazaang kan pek lai,” tiah Hakha peng UPD party EC chungtel hna nih an langhter.

UDP party Chairman U Kyaw Myint cu Mandalay U-Bo thonginn in a rak zaammi a si ruang ah palik nih an tlaih i, cu hnu ah cun Union Election Commission (UEC) nih UDP party cu phungning in a hrawh.

Kalay khua i UDP party nih cun Chin party chung in CNLD party kan dirkamh lai tiah minsen thutnak le rawldumnak ttinak zong an rak ngei.

Asinain, Hakha peng UDP party tu cu miphun party dirkamh ding in timhtuahnak an ngei nain zei bantuk miphun party thengmang khi dah kan dirkamh lai timi thimhlei an ngei lo.

Latest News

News in Burmese