Hakha Sizung COVID-19 Mizaw Pahnih Cozah nih Tangka Bawmhnak a Pek Hna

| The Chin Journal | Hakha, Chin State

Hakha sizungpi ah an thlop cuahmahmi hna COVID-19 mizaw pahnih cu nihin ah Chin ramkulh cozah lei in tangka bawmhnak an pek hna, tiah theih a si.

Atulio Hakha sizung ah an thlopmi hna COVID-19 mizaw pahnih hi Thangtlang le Mindat in an rak tthialmi hna Case-182 le Case-323 an si.

Nihin chun ah Chin ramkulh zatlang lei vuanci Pu Pau Lun Min Thang nih phone in thazaang peknak a ngeih hna i tangka 50,000 veve bawmhnak an pek hna.

Atu taing Chin ramkulh chung ah COVID-19 mizaw 10 an hmuh hna i cu chung ah cun minung 6 nih damnak an hmu cang.

Myanmar ram huap in COVID-19 mizaw 263 hmuh an si i, cu chung ah cun minung 185 damnak an hmu i, a dang minung 6 hi an nunnak a liam.

June 18 tiang ah vawleipi huap in COVID-19 zawtnak a ngeimi minung 8,466,989 an si i, cu chung ah cun minung 451,949 an nunnak a liam cang.

Vawleicung COVID-19 mizaw ting 84 leng chung ah 4,439,056 nih damnak an hmu ve.

Latest News

News in Burmese