Hakha Sizung ah Herh Huaha Lo Cun Kal Lo Ding

| The Chin Journal | Hakha, Chin State

Hakha sizung ah a herh tuk lomi kongkau ah cun fuhpanh len lo dingin sizung lei ttuanvo ngeitu nih March 27 ah Hakha mipi sin ah thawngthanhnak le nawlnak an tuah, tiah theih a si.

Atulio COVID-19 zawtnak khenkhamnak le zawtnak a karh lo nakhnga runvennak ca ah atu bantuk in Hakha sizung nih mipi sin ah theihternak le nawlnak a tuah hi a si.

Ngandamlonak ruang ah a herh tukmi (Emergency) le operation tuah hrimhrim a herhmi pawl lawng Hakha sizung nih a zoh khawh rih lai.

Ngandamnak ca ah tetuai deuh a simi “Elective Operation” pawl tu cu Hakha sizung ah tlawm deuh in tuah a si chung rih lai.

COVID-19 zawtnak khenkhamnak le i runvennak ca ah tiin atu bantuk in Hakha sizung nih ttuanhma a lak hi a si.

Atulio cu sizung chung zong ah mizaw umpitu minung pakhat lawnglawng luhnak nawl onh a si, tiah thawng kan theih.

Latest News

News in Burmese