Hakha SAC Palik Tlaihmi Pu Khamh Bawi a Nunnak a Liam Ve

| The Chin Journal | Hakha, Chin State

Hakha SAC palik nih May 9, zinglei sml. 9:00 hrawng ah Hakha Khuathar ah an rak tlaihmi Pu Khamh Bawi (kum 27) cu May 11 ah a nunnak a liam ve, tiah thawng kan theih.

Pu Khamh Bawi le Pu Tler Ling hi May 9 ah an tlaih hna i May 11 ah Kalay ralkap sizung ah thlop ding in ralkap nih an kalpi hna i an pahnih in an nunnak a liam.

Hakha ah tlaih a tongmi hna kong a tawlreltu pastor pakhat nih, “Atute bak kha Rungtlang ralbawi (Byu-ha-hmu thar) kan chawnh i, a thimi Bawia hi Pu Khamh Bawi a si ko a kan ti. Cuap zawtnak in a thi timi fianternak siizung catlap zong kan ngei ko a kan ti,” tiah The Chin Journal ah a chim.

Pu Khamh Bawi ruak cu Pu Tler Ling ruak he Kalaymyo ah hmun khat ah SAC ralkap nih an khangh tti hna.

May 9 zinglei ah Pu Khamh Bawi aa tthumhnak Pi Hnem Zing inn Hakha SAC palik nih an leh dihmi

Pu Khamh Bawi hi Thantlang peng, Thangzang khuami a si i, fa pahnih a ngeih hnu ah a nupi he aa tthenmi an si.

Hakha Khuathar i Pi Hnem Zing inn ah aa thum i May 9 zinglei ah palik nih an tlaih lio ah Pi Hnem Zing innchung thilri zong an lehpiak dih hna.

Asinain, Pi Hnem Zing inn ah hin Pu Khamh Bawi he aa pehtlaimi phungning lo thilri SAC palik nih an hmuhmi a um lo, tiah kan theih.

Latest News

News in Burmese