Hakha Phungninglo Inn Hrawhnak ah Nu Pakhat Sizung a Phan

| The Chin Journal | Hakha, Chin State

August 20 zinglei ah Hakha khua, Cawbuk sang i khuasamhnak hmun chung i inn pawl an hrawh lio ah kum 42 a simi nu pakhat sizung ah a phan, tiah theih a si.

Theng pipi in inn an hrawh cuahmah lio ah kum 42 nu hi a inn an hrawh lo nakhnga innchung ah a um.

Cucaah, palik nih leng ah an rawt chih i cu lio ah cun shock a ngah i sizung ah an kalpi hi a si.

Sizung ah an phakpi hnu ah Oxygen an rawnh i a rauh hlan ah a lung a hun fim than. Cun, sizung ah riah hau loin an tinpi.

Nihin zing ah Chin ramkulh cozah nih Cawbuk sang Hakha khuasamhnak hmun acre 676 chung i inn 130 cu theng 13 hrawng le minung 300 hrawng thazaang hmang in an theh, tiah thawng kan theih.

-Chin World

Latest News