Hakha Peng Lungkhin Khua ah Inn a Kaang, Meikanghnak in Kum 7 Ngakchia a Nunnak Liam

| The Chin Journal | Hakha, Chin State

Hakha peng Lungkhin khua ah mawtaw cycle cung chiahmi datsii phung in meikanghnak a hun chuak i kum 7 ngakchia pa pakhat meikangh hliamhma he a nunnak a liam tiah theih a si.

March 21, zinglei suimilam 11:00 hrawng ah Hakha peng, Lungkhin khuami Aung Za Ling (12) cu Bawinu tiva ngatlaihnak in inn lei a rak tin. Cun, a cycle cu an inntang dawr pawng a chiah, a engine a linh tuk ruang ah a hmailei i a tlaimi datsii pung kha mei a tlaih colh tiah palik record ah aa tel.

Cu hnu ah cun an inn champhio khammi le thingrua pawl mei nih a hun tlaih i meikanghnak liampi a hun chuak. Cycle le inn pakhat cu mei nih a ciamh, suimilam 11:40 am ah mei an thah khawh tiah theih a si.

Meikanghnak dawr a phanmi KG cawng lio Pa Khua Za Uk (7) cu meikangh hliamhma he a nunnak a liam. Aung Za Ling zong a kee ah meikangh hliamhma tlawmpal a tuar ve.

Thil sining kong he pehtlai in Aung Za Ling cu March 22, zaanlei sml. 1:30 ah Yazathatkyi pohmah 304-A/338/285 in Hakha palik sakhan ah case an on tiah theih a si.

Latest News