, /

Hakha Peng ah cun NLD nih Azapi in Lak Dih Dawh

The Chin Journal | Hakha | Chin State
Nihin zing Hakha ah vote a pemi nungak cheukhat. Note: Hmanthlak chung minung pawl hi NLD an si tinak a si lo. Representative Image can ah kan hmanmi a si. (Photo-The Chin Journal)

Hakha peng chung khua 50 i vote cazin a hun fian bang in aho party dah teitu a si lai timi zong an muisam a hun fiang ngai cang.

Hakha peng khuate 50 ah Amyotha Hluttaw, Pyituh Hluttaw le Pyine Hluttaw hmunhma dihlak ah NLD nih vote tam bik a co.

Hakha peng ah NLD in aa zuammi hna cu Amyotha-1 ah Dr. Aye Aye Ngun, Amyotha-2 ah Pu Ngun Vung, Pyituh ah Pu Tial Ling, Pyine-1 ah Pu Thang Cung, Pyine-2 ah Pu Sui Thio an si hna.

Hakha peng khuate 50 zapi fonh ah NLD nih vote tam bik an hmu nain CNLD hi vote tam tuk in an thlau lo. Cucaah, CNLD hi atu kum cu Hakha peng zong ah a tthawng ngaingai.

CNLD Hakha nih an tuahmi Hakha khuachung vote cazin ah NLD nih mehmun hmun kip ah tlawmpal in an tei dih hna.

Cucaah, atu kum thimnak zong ah hin Hakha peng ah cun NLD nih tthudan lak dih dawhdang in a um.

#NOTE: A cunglei hi Final Result a si rih lo. Chin ramkulh Election Commission nih Offical in teitu thawngthanhnak a tuah rih lo.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19