Hakha Minung 16 Swab Checkmi Negative an Si Dih

| The Chin Journal | Hakha, Chin State

Hakha Facility Quarantine Center ah an chiah hna i, COVID-19 zawtnak an ngeih le ngeih lo Swab an checkmi minung 16 cu an zapi tein COVID-19 zawtnak an ngei lo, tiah result a chuak.

Myanmar ram ngandamnak zungpi nih September 24 zan sml. 8:00 ah minung 2,426 hna i Swab an checkmi result a langhter i minung 517 sin in COVID-19 zawtnak an hmuh.

Asinain, Hakha i minung 16 tu cu COVID-19 zawtnak an ngei lo, tiah a langhter.

September 23, zan sml. 8:00 ah Myanmar Ngandamnak Zungpi nih a chuahmi Result catlap

COVID-19 zawtnak in nihin Myanamr ram ah a thimi minung 17 an um i, atu tiang a thimi hi minung 150 an si cang. Atu tiang zawtnak an hmuhmi minung 8,344 an si cang.

Mindat zong ah COVID-19 mizaw pathum an hmuh hna hnu in Chin ramkulh chung khuapi tampi ah khualtlawn tik ah sang khuabawi minthut tel loin khualtlawn zong kham a si.

Cu lawng si loin Mindat le Hakha tibantuk ah cun lakphak dawr le rawl dawr zong ah Parcel lawng in cawk khawh a si cang.

Chinram chung hmun kip ah Mindat in a rak phanmi paoh cu Facility Quarantine ah chiah colh ding in nawl chuah zong a si.

Cun, Kawlram chung COVID-19 zawtnak a zual biknak hmun pawl a simi Yangon le Rakhine in Hakha ah a rak phanmi pawl cu Facility Quarantine ah chiah i, Swab check dih ding in timhtuahnak an ngei, tiah thawng kan theih.

Latest News

News in Burmese