Hakha Mino nih Falam Innkangh Hartong Ting 45 Bawmh

| The Chin Journal | Hakha, Chin State

January zarh hnihnak ah Falam khua innkanghnak ruang ah harsatnak a tongmi chungkhar cu Hakha Youth Organization nih tangka ting 45 an bawmh hna, tiah thawng kan theih.

January 12 ah Falam khua, Farthawk sang chung ah inn 6 a kaang i chawva sunghzatlaknak an ton lawng si loin Rev. Mang Hlei Zing le Pi Rah Sung an nunnak a rak liam.

Hakha mino nih innkangh hartong hna ca ah Hakha khuachung ah inn khat hnu inn khat kal in tlawmhalnak an ngei.

Falam innkangh hartong hna bawmhnak cu nihin January 30 ah Falam khua i Community Center ah ttuanvo ngeitu hna sin ah apnak an ngei.

Falam innkaang hartong hna lawng si loin Hakha, Tihnam, Thantlang le Mindat khua i innkangh hartong hna zong Hakha mino nih bawmhnak an pek hna i bawmhnak an pekmi hna hi azapi ah ting 105 a si, tiah Falam cozah zung thawngzamhnak nih a langhter.

Latest News

News in Burmese