Hakha Market le Sizung ah Zawtnak Rungrul Thahnak Sii an Kah Hna

| The Chin Journal | Hakha, Chin State

March 28 zanlei ah Hakha sizungpi, Dawrthar Market le Pyidawtha Market ah zawtnak thahnak rungrul sii ngandamnak lei zung nih an kah, tiah theih a si.

Yangon le Mandalay in Laitlang ah a rak tlungmi siangngakchia pahnih COVID-19 zawtnak an ngeih le ngeih lo zohfel ding in Hakha sizung ah an chiah hna lio zong a si.

Hakha sizung ah lunghrinhmi COVID-19 mizaw pahnih an chiah hna hnu ah ngandamnak lei zung nih nihin zanlei ah atu bantuk in sii an kah hi a si.

Hakha Market cu thilzuartu pawl zong dawr an kharter chung hna i zawtnak rungrul thahnak sii cu an kah.

Hakha sizung ah an chiahmi hna minung pahnih hi COVID-19 zawtnak an ngeih le ngeih lo a fiang rih lo.

An pumcung tiihaang pawl checknak tlamtling in an tuah dih hnu ah zawtnak an ngeih le ngeih lo a fiang te lai.

COVID-19 zawtnak cu mah nih i ralrin ahcun i runven a olmi a si i, ngandamnak lei zung nih an chim ning tein zulhpiak a herh ve.

Latest News

News in Burmese