Hakha le Falam Mino Bu Pawl Paletwa-Sami Kar ah AA nih Hna an Hnawh Hna Lai an Phang

| The Chin Journal | Hakha, Chin State

Paletwa ralzam pawl bawmhnak thilri he Paletwa ah a kal dingmi Hakha mino hna le Falam mino hna cu lampi ah AA kut in hnahnawhnak an tong sual lai tiah Paletwa ralzam mibawmtu lei in an thin a phang.

Paletwa ralzam mibawmtu bu ah chungtel a simi pakhat nih, “Hakha le Falam in mibawmtu an ra tiah kan theih i, anmah he pehtlaihnak zong kan ngei. Paletwa tiang rat ding in timhtuahnak an ngei,” tiah a chim.

Falam le Hakha mibawmtu bu cu Sami le Paletwa karlak ah AA nih hnahnawhnak an pek hna lo nakhnga ruahchannak kan ngei, tiah a chim chap.

“Kawl ralkap zong nih Paletwa tiang ra kho ding in nawl onnak pe hna seh ti kan duh. Cun, lampi ah AA nih hnahnawhnak an pek hna nakhngalo ruahchannak kan ngei ko,” tiah a chim chap.

Paletwa khua ah nizan ah khan khua pariat in ralzam 900 leng an rak phan tthan i, atu ah cun Sami chimlo Paletwa khua lawnglawng ah ralzam 3,000 dengmang an um cang.

Kyauktaw lei in facang an phorh khawh ti lo tik ah Paletwa khua ah mibawmtu an phak lo ahcun eidin tirawl lei in harsatnak fak piin kan tong lai, tiah Paletwa ralzam mibawmtu nih an chim.

Latest News

News in Burmese