Hakha Khuami nih Thazaang Nan Pek Hna Thawng in Coffee Night ah Ting 27 an Hmu

| The Chin Journal | Hakha, Chin State

Paletwa Students Family (PSF, Hakha) nih an tuahmi Coffee Night ah Hakha khuanu khuapa le rinhcanhmi nungak tlangval tampi nih thazaang nan pek hna thawng in PSF (Hakha) nih Paletwa ralzam hna caah facang tun 70 an cawkpiak khawh hna.

Paletwa ralzam hna ca ah tiin March 15 zaan ah Hakha khua ah tuahmi Coffee night ah minung 500 hrawng nih thazaang an pek hna i tangka 2,700,000 a chuak.

PSF (Hakha) hruaitu pakhat a simi Salai Thang nih, “Hakha khua i Khrihfabu hna zong nih a kan bawmh i kan i lawm tuk. Minung 300 in 500 karlak nih thazaang a kan pek i, a tangka in 2,700,000 kan hmu,” tiah The Chin Journal ah a chim.

Coffee Night an tuahnak ah a zin an seihmi hi 500,000 a si i, a taangmi amiak dihlak in Paletwa ralzam hna caah facang tun 70 an cawk.

Facang an cawkmi cu ralzam pawl an umnak ah an kalpi cang i nihin hi Mindat khua ah an phanhpi lai.

PSF (Hakha) in aiawhtu siangngakchia pahnih nih ralzam bawmhnak facang tun 70 cu an vung kalpi i, kiptuh ah cun Samee ralzam hna kut ah a phan cang lai.

Latest News

News in Burmese