Hakha Innkangh Hartong Hna Cozah nih Tangka le Thil Dangdang an Bawmh Hna

| The Chin Journal | Hakha, Chin State

Nihin zinglei sml. 5:00 hrawng ah Hakha khua Dinlo sang ah innkangh vanchiatnak a tongmi chungkhar pahnih cu Chin ramkulh cozah lei nih tangka ting 20 MMK leng le chungkhar khuasaknak ca ah a herhmi thilri dangdang bawmhnak an pek hna, tiah thawng kan theih.

A nunnak a liammi minung paruk an si i, pakhat ca ah tangka ting 3 tiin ting 18 an bawm hna.

Cun, innsak tthannak thilri zalhnak ca ah ting 2 le facang cawknak ca ah 8,400 tiin an bawmh hna.

Tangka bawmhnak an pek hna pin ah chungkhar khuasaknak ca ah a herhaimi thilri phun 17 zong an bawmh chap hna.

Nihin zinglei ah Pu Hram Cung inn dot-3 le a pawng ah a ummi dot-1 inn pakhat an kaang.

Pu Hram Cung te inn tanglei dot i Electric rawnchuannak (Pawng-Oo) a linh tuk ruang ah mei a tho i inn a kangh hi a si, tiah Hakha meithat zung nih an langhter.

Latest News

News in Burmese