Hakha Hrambunh Bu (8) nih Esther Upatnak Roca le Laksawng an Pek

| The Chin Journal | Hakha, Chin State

Hakha ah a phanmi Myanmar Idol Season – 4 Winner Esther Dawt Chin Sung cu Chin ramkulh zatlang vuanci telh in Hakha hrambunh bu (8) nih upatnak roca le laksawng an pek, tiah ttuanvo ngeitu pakhat a simi Pastor Lai Cung sin in thawng kan theih.

Esther donnak le roca peknak puai cu Carson Hall ah an tuah i a tanglei bu (8) nih hin upatnak roca le laksawng an pek:

Hakha Khuami Zapi Roca: Hakha Khuami Zapi aiawh in Esther an pekmi roca cu Pu Ngun San Aung nih Esther sin ah pekchanhnak a ngei.

CYO (Hakha) Roca: Hakha CYO nih an pekmi roca cu Hakha CYO President Salai Van Cin Thang le Vice Chairman Mai Sung Hlei dim nih Esther sin ah an pek.

 

Social Affair Minister Roca: Social Affair Minister Roca cu vuanci Pau Lun Min Thang nih Esther sin pekchanhnak a ngei.

Hakha Foundation (Khuahlun): Hakha Foundation roca cu Salai Van Chan Ceu nih Esther sin ah pekchanhnak a ngei.

 

Chin Civil Society Network (CCSN) Roca: CCSN roca cu Pu Jacob Thang nih Esther sin ah pekchanhnak a ngei.

CB Bank Laksawng: Hakha CB bank nih Esther cu ting 30 MMK laksawng an chuah. Cu laksawng cu Hakha CB Bank Managing Director Pu Chum Ling nih Esther sin ah a pekchanh.

NLD Party Amyothami Loh-ngan Committee (အမျိုးသမီးလုပ်ငန်းကော်မတီ)​ le MABC zong nih Esther cu upatnak roca an pek ve.

Esther zong nih Myanmar ramchung in Live in a zohtu hna ca ah Kawlholh in le Laiholh in lunglawmhnak bia a chim i hlasaknak zong a ngeihpiak hna.

Latest News