Hakha COVID-19 Response Committee nih Nihin in Rian a Thawk Cang

| The Chin Journal | Hakha, Chin State

Hakha khuachung biaknak lei hruaitu hna le mipi i bawm in sermi Hakha Peng COVID-19 Response Committee nih nihin August 2 thawk in rianttuan hram a thawk cang, tiah thawng kan theih.

Rianttuannak Center cu HBA tual ah a ummi Women Development Center ah an on a si.

“Hi rian ah volunteer in aa pumpemi sibawite, sayamate le Khrihfabu kip in a bawmtu ca ah HCMF nih ttuanvo a lak lai i herh dangdang tampi a um rihmi cu Khrihfa bu, organization le pumpak in ramchung le ramleng nan ti khawh tawk i tel cio ding in kan in sawm hna,” tiah Hakha Peng COVID-19 Response Committee Secretary Rev. Van Tiam nih theihternak le forhfialnak a tuah.

July thlathih lei ah COVID-19 volunteer mino pawl cawnpaiknak an tuah hnu ah nihin ah Center an on i, rianttuan hram an thawk hi a si.

Hakha ah COVID-19 volunteer ttuan ding in a pum aa pemi hna lak ah sii lei fimthiamnak a cawng liomi siangngakchia 17 zong an i tel i, an zapi ah mino 100 leng an si, tiah Hakha Township Public Healthcare (HTPH) nih thawngpang a rak chuah.

Latest News

News in Burmese