, /

Hakha COVID-19 Mizaw Pakhat nih Damnak a Hmu Than

The Chin Journal | Hakha | Chin State
Nihin ah Hakha Taingyinse sizung in a chuakmi COVID-19 mizaw (Photo-Hakha GAD)

Hakha khua i Taingyinse sizung ah an zohkhenhmi COVID-19 mizaw pakhat cu damnak a hmuh cang caah nihin ah sizung in a chuak, tiah thawng kan theih.

Atutan sizung in a chuakmi pa hi Yangon remthen, Hmawbi in October 19 ah Hakha ah a rak phanmi a si i, Quaratine an chiah hnu October 27 ah zawtnak a ngei tiah an hmuhmi a si.

Nizan tiang ah Hakha ah COVID-19 mizaw pahnih an um i, atu ah pakhat sizung in a chuah cang caah pakhat lawng a taang cang.

A taangmi pakhat zong hi Yangon in Hakha ah tender sok ding in a rak tlungmi a si i, GTI ah Quarantine an chiah hnu, November 6 ah COVID-19 zawtnak a ngei tiah an hmuhmi a si.

COVID-19 a voi hnihnak a hun chuah tthan hnu ah Hakha ah COVID-19 mizaw 8 hmuh an si cang i, cu chung ah cun atu tiang ah minung 7 nih damnak an hmu cang.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19