/

Hakha COVID-19 Mizaw Pahnih nih Damnak an Hmu Ṭhan

The Chin Journal | Hakha | Chin State
December 9 ah Hakha Taingyinse sizung in an chuahtermi minung pakhat| Photo-Hakha GAD

Nihin (Dec. 9) ah Hakha COVID-19 mizaw pahnih nih damnak tlamtling an hmuh ṭhan caah sizung in an chuahter hna, tiah thawng kan theih.

Hakha Taingyinse sizung ah an thlopmi COVID-19 mizaw pa pahnih (case-88592 le case-88593) cu zawtnak in an dam caah sizung in chuahter an si i, inn ah Home Quarantine in ni 7 chung an umter an si rih lai.

Hakha ah COVID-19 mizaw 8 an rak um i, atu ah minung pahnih nih damnak an hmuh ṭhan caah COVID-19 mizaw 6 an taang.

Hakha ah an hmuhmi COVID-19 mizaw pawl hi hmun dang/khua dang in Hakha ah a rak phanmi deuh lawngte an si hna.

Nizan zong ah khan Mandalay lei in Hakha ah a rak phanmi motor mongtu le ahnuzul sin in COVID-19 zawtnak an hmuh i Taingyinse sizung ah an chiah hna, tiah thawng kan theih.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.