Hakha Chun Lingcing ah Top-up Ting 4 le Cheu Man an Fir

| The Chin Journal | Hakha, Chin State

By Min Cung Sang | Nihin Hakha khua, Chin Oo Sii sang ah chun sml. 2:00 hrawng ah Nu Tei te dawr ah tangka bawm le phone tangka (Top-Up) an zuarmi ting 4 le cheu man an firpiak hna, tiah thawng kan theih.

Dawr ngeitu Nu Tei nih, “Kan pa he leng kan chuah karlak ah kan fapa hniang bik nih dawr a hngak i cu lio ah cun phaisa bawm le Phone Top-Up kan zuarmi an fir,” tiah The Chin Journal ah a chim.

Dawr ah a ummi an fa hnaing bik hi minute 5 chung hrawng innchung ah a vung lut. Cu hnu ah cun thilcaw an rak ra i, tangka aan ding in phaisa bawm a kawl tik ah cun a rak um ti lo.

Nu Tei nih, “Kan pa he inn lei kan ttin pah ah kan inn chak ah tangka 50 ca tlap 4 le 100 ca tlap 2 cu lamkam ah fung tein an rak tarmi kan hmuh,” tiah a chim chap.

An firmi Nu Tei te tangka bawm le Top-Up an fimnak bawm cu Chin Galaxy Private School lei kalnak hlei a dot-4nk ah an hmuh tthan.

Asinain, ahote nih dah an fir timi an thei hna lo. Tangka bawm le Top-Up fimnak bawm an hmuhnak pawng ah zu thawl pahnih zong an hmuh chih.

Latest News

News in Burmese