Hakha ah Zaan Lengchuah Ruang ah Tlaihmi Minung (9) Thong an Thlak Hna

| The Chin Journal | Hakha, Chin State

Hakha khua ah zaan sml. 10:00 hnu ah leng an chuah ruang ah tlaihmi minung (9) cu thla khat cio thong an thlak hna, tiah Hakha palik sakhaan in thawng kan theih.

A cunglei minung (9) April 28 zaan ah an tlaihmi hna an si i, cozah zung rianttuan pakhat zong aa tel.

“Minung (9) an si i an zapi tein thla (1) cio thongthlak an si. An lak ah saknak zung in cozah rianttuantu pakhat zong aa tel,” tiah Hakha palik ttuanvo ngeitu pakhat nih The Chin Journal ah a chim.

Hakha khua ah zaan sml. 10:00 in zinglei sml. 4:00 tiang leng ah ahohmanh i chawhvah lo ding in April 28 thawk in nawl an chuah i thawngthanhnak zong ttha tein tuah a si.

Zaan sml. 10:00 le zinglei sml. 4:00 karlak lengchuah lo ding timi hi atu hnu thla 2 tiang pehzulh in tuah a si lai.

Zaan lengchuah ruang ah tlaihmi pawl hi thla (6) tiang in thongthlak khawh an si. Kalay ah cun thla 3 tiang thongthlak aa huahmi zong an um.

Latest News

News in Burmese