Hakha ah Tlaih a Tongmi Zung Rainttuan Minung 5 an Luat

| The Chin Journal | Hakha, Chin State

Hakha ah tlaih a tongmi zung rianttuan minung 5 cu nihin (July 16) zaanlei sml. 4:00 hrawng ah an thlah hna, tiah kan theih.

A luatmi minung 5 hi kan hnu thla pi ah an rak tliahmi hna an si i pohma no. 505 (1) in taza an rak cuai hna.

“Nihin ah Hakha palik thonginn in minung 5 an luat. Minsen an thutter hna i an thlah hna. Ahlanpi ah an rak tlaihmi hna an si. Tuan ah thlah ding in timi an si nain zung rianttuan an si caah an luat a tlai i a si kho,” tiah Hakha khuami pakhat nih a chim.

June 30 ah khan SAC nih Myanmar ramchung thongtla minung 2,000 leng a rak thlah hna i Hakha zong in minung 37 an thlah hna.

Nihin zaanlei a luatmi hna hi June 30 ah thlah ding in an timi hna an si nain atu zaanlei tu ah an thlah hna hi a si.

Nizaan zong ah Hakha khua mithi inn ah a tthutpimi mino pathum SAC ralhrang nih an tlaih hna, tiah kan theih.

Latest News

News in Burmese