Hakha ah Paletwa Ralzam Bawmhnak Ting 200 Leng an Hmu

| The Chin Journal | Hakha, Chin State

Paletwa Chin ralzam hna bawmhalnak cu July 25-29 tiang Hakha khua ah Paletwa Ralzam Bawmchantu Phu nih an tuah i ting 200 leng an hmu, tiah thawng kan theih.

Ralzam bawmhalnak i an hmuhmi phaisa kong le bawmhnak pek ningcang kong he pehtlai in July 2, zanlei sml. 7:00 ah Paletwa Ralzam Bawmchantu Phu nih CACC zung ah thawngfianternak an tuah te lai.

Ralzam bawmhnak an hmuhmi cu Ralzam Bawmchantu Phu chung in palai pawl Paletwa ah an kal lai i, an vung phawtzamh te hna lai.

Paletwa ralzam hna ca i bawmhalnak cu Chin ramkulh chung Hakha, Mindat, Matupi, Tedim le Falam ah tuah a si cang i Yangon, Aizawl le Kalay University zong ah bawmhalnak an tuahpaik ve hna.

2015 thawk in AA le Kawl ralkap Paletwa peng ah an i kah ruang ah ralzam 3,000 leng an um, tiah theih a si.

Latest News