/

Hakha ah Pa Pakhat Hri aa Awk

The Chin Journal | Hakha | Chin State
Hri aa awkmi ruak

Hakha khua ah Sizung lei kalnak lam chak ah pa pakhat hri-awhnak in a nunnak a liammi nihin zinglei ah an hmuh, tiah thawng kan theih.

Hri in aa awkmi pa ruak an hmuhnak zawn hi Hakha Sizungpi phank hlan, ahlan ngakchia sizung pawng (Cuai Cuai sidawr chak) ah a si.

Nihin zinglei ah ngakchia pawl nih hri in aa awkmi ruak hi an hmuh i, an nulepa sin ah thawng an thanh hna.

Hri-awhnak in a nunnak a liammi pa hi kum 32 a simi Pu Sang Tha Lian tiah theihmi a si.

Pu Sang Tha Lian hi Hmawngtlang khuami a si i, a nupi he fa pakhat an ngei i Hakha, Dawrthar sang ah khua an sa.

Zu nih a tei ngaimi a si i zudin ruang ah nai ni hnih chung hrawng cu lung hmaanlo deuh in a um i nihin zinglei ah a ruak in an hmuh hi a si tiah hringtu a pa nih The Chin Journal ah a chim.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.