Hakha ah Motor Accident in Minung (2) an Nunnak a Liam

| The Chin Journal | Hakha, Chin State

Nihin zinglei sml. 10:00 hrawng ah Hakhathar le Hniarlawnthar karlak ah SKAT motor pakhat accident/khawndennak a tong i minung (2) an nunnak a liam, tiah thawng kan theih.

Motor hi Tiphul ah lung a phormi a si i Hakha an rak tlung lei ah atu bantuk in vanchiatnak an ton hi a si. Rual Tling Cung (kum 25) nih a mongh i Ram Tha Hmung (kum 21) nih hin a zulh.

Motor dang he i khawnden si loin anmah tein an i leh hi a si i, a hmun ah Ram Tha Hmung cu a nunnak a liam.

A mongtu Rual Tling Cung cu sii-inn an phakpi hnu ah a nunnak a liam ve. Motor hi lamthlang ah faak ngaiin a vung tlak caah a tu bantuk in thihlohnak tiang a chuah hi a si.

Latest News

News in Burmese