, /

Hakha ah Inn an Bauh, Tangka Ting 8 Hrawng an Fir

The Chin Journal | Hakha | Chin State
Bauhpiak a tongmi Pu Bawi Ting te inn

Nizan (Nov. 11) chun lingcing ah Hakha khua, Harmon sang ah mifir nih inn an bauh i, tangka ting 8 hrawng an fir, tiah thawng kan theih.

An bauhmi inn ngeitu hi Pu Bawi Ting a si i, Hakha thinghram lei zung ah rian a ttuanmi a si.

November 11 ah khan Pu Bawi Ting le a chungkhar cu an chungkhat aa tthi-um ding an um ruang ah Thantlang peng, Thang-aw khua lei ah an vung tlung.

Khua lei an tlun karlak ah Hakha i an chungkhat nu pakhat cu inn hngahpiak ding in bawmh an hal i cuticun a hngahpiak hna.

Inn a hngahpiaktu nu cu zinglei sml. 9:15 hrawng ah rianherh a um i leng ah a vung chuak ta. Cuti leng ah a chuah ta karlakte ah cun inn bauhpiak an ton hi a si.

Tangka hi ting 7 in ting 8 karlak cu a tlau lai tiah an zumh i, Pu Bawi Ting te an rak tlun rih lo caah zeizah ngaingai dah a tlau timi fiang in theih a si lo, tiah inn hngaktu nu nih a chim.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19