Hakha ah COVID-19 Phung a Buarmi Minung 9 Taza an Cuai Than Hna

| The Chin Journal | Hakha, Chin State

Hakha ah COVID-19 zulhphung a buarmi minung 9 nihin an tlaih hna i taza an cuai hna, tiah thawng kan theih.

Mask i hruk loin aa chokmi le herhai ngaingai ngei loin leng ah aa chokletmi minung 9 cu COVID-19 runvengtu committee nih nihin ah an tlaih hna hi a si.

Tlaihmi minung 9 cu Hakha peng ngandamnak zung nih chawnh khawhmi zawtnak runvennak upadi pohma no. 15 in taza an cuai hna.

Myanmar ram ah COVID-19 zawtnak a thian rih lo caah May thla thih tiang COVID-19 kong he pehtlai in zulhphung an rak chuahmi cu June 15 tiang sauh a si.

Zaan lengchuah kong he pehtlai zong in zaantim sml. 12:00 in zinglei sml. 4:00 tiang ahohmanh lengchuah lo ding timi zulhphung pehzul in chuah a si.

Latest News

News in Burmese