Hakha ah COVID-19 Mizaw Thar Pahnih an Hmuh Hna

| The Chin Journal | Hakha, Chin State

Hakha ah Quarantine a lutmi chung in COVID-19 mizaw thar pahnih an hmuh hna, tiah thawng kan theih.

Mizaw thar pahnih hi February 2 ah Kawl lei in Hakha ah rak phan i Quarantine an luhtermi hna nu le pa an si.

Pa hi Yangon in Hakha ah a rak tlungmi a si i, Hakha University ah Quarantine an chiahmi a si.

Nu hi Mandalay in Hakha ah a rak tlungmi a si i, Hakha GTI ah Quarantine an chiahmi a si ve.

February 3 ah COVID-19 zawtnak an ngei tiah an hmuh hna caah Taingyinse Sizung ah thlop ding in an chiah hna.

Atulio Hakha khuapi ah COVID-19 zawtnak in Taingyinse Sizung ah aa thlop liomi minung 4 an um, tiah thawng kan theih.

Latest News

News in Burmese