Hakha ah COVID-19 Mizaw Pakhat an Hmuh Than

| The Chin Journal | Hakha, Chin State

Hakha ah Mandalay in a rak tlungmi minung pakhat sin in COVID-19 mizaw pakhat an hmuh tthan, tiah thawng kan theih.

COVID-19 zawtnak a ngeimi pa hi January 15 ah Hakha ah a rak phan i Hotel ah Quarantine an chiah. January 25 ah COVID-19 zawtnak a ngei tiah an hmuh.

Hakha Taingyinsee sizunga ah COVID-19 zawtnak thlop ding in an zohkhenh lio a si.

Atu tiang Hakha khua ah COVID-19 zawtnak a ngeimi minung 24 hmuh an si cang i, a dang cu sizung in an ttum dih cang.

Hakha COVID-19 mizaw thar an um lonak nicaan a sau pah cang nain atutan ah mizaw thar pakhat an hmuh tthan hi a si.

Nihin ni tiang ah Chin ramkulh chung ah COVID-10 mizaw 340 leng hmuh an si cang i, atukar COVID-19 tam bik an hmuhnak khua hna cu Tedim le Falam hi an si.

Latest News

News in Burmese