, /

Hakha ah COVID-19 Mizaw Pakhat an Hmuh Chap

The Chin Journal | Hakha | Chin State
November 14 ah Hakha Taingyinse Sizung ah a ummi COVID-19 mizaw pakhat sizung in a ttum lio| Photo-Hakha GAD

Yangon in Hakha ah a rak tlungmi nu pakhat sin in COVID-19 zawtnak an hmuh chap, tiah thawng kan theih.

November 4 ah khan Yangon in Hakha ah a rak tlungmi nufa hna cu GTI ah Facility Quarantine an rak chiah hna.

COVID-19 zawtnak an ngeih le ngeih lo an check hna i November 12 ah khan hringtu a nu cu COVID-19 zawtnak a ngei, tiah an rak hmuh.

A fanu zong an check tthan ve hi COVID-19 zawtnak a ngei tiah nihin zanlei ah an fehter, tiah Hakha District ngandamnak zung ah Health Assistant a simi Saya Van Tin Hup nih a chim.

Nihin ah COVID-19 mizaw pakhat hmuh chap a si caah atulio Hakha khua ah COVID-19 mizaw pahnih an um tthan.

Atu taing Chin ramkulh chung ah COVID-19 zawtnak a ngeimi minung 93 hmuh an si cang i cu chung ah cun minung a tam u nih damnak an hmuh. Sizung ah an thlop liomi hna minung 20 an si.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19