, /

Hakha ah COVID-19 Mizaw Pakhat an Hmuh Chap

The Chin Journal | Hakha | Chin State
October 24 ah Hakha Sizungpi in damnak a hmumi COVID-19 mizaw an thlah lio (Photo-Hakha GAD)

Hakha Quarantine Center ah a ummi minung pakhat sin in COVID-19 zawtnak a ngeimi minung pakhat an hmuh chap, tiah thawng kan theih.

Atutan mizaw thar hi November 16 ah Yangon in Hakha ah a rak phanmi kum 25 pa a si i, Hakha University ah Quarantine a lutmi a si.

Quarantine a luh hnu ah Gene Xpert in zawtnak an check i nizan November 24 ah COVID-19 zawtnak a ngei, tiah an hmuh. Hakha Taingyinse sizung ah thlopbulnak an tuah lio a si.

November 23 ah khan Hakha Taingyinse sizung ah a ummi COVID-10 mizaw (Case-66020) pakhat nih damnak a hmu i sizung in a chuak cang.

Yangon in a rak tlungmi pa sin in COVID-19 zawtnak an hmuh chap caah atulio Hakha khua ah COVID-19 zawtnak a ngeimi minung 2 an taang.

Atu taing Chin ramkulh chung ah COVID-19 zawtnak a ngeimi minung 100 hrawng hmuh an si cang i cu chung ah cun minung a tam u nih damnak an hmu.

Atulio Chin ramchung sizung pawl ah COVID-19 zawtnak an thlop liomi hna minung 20 hrawng an taang, tiah thawng kan theih.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.