Hakha ah COVID-19 in Minung 37 an Nunnak a Liam Cang

| The Chin Journal | Hakha, Chin State

COVID-19 Third Wave nih Laitlang a kan phak hnu in Hakha khua ah COVID-19 zawtnak in minung 37 an nunnak a liam cang, tiah Hakha Township Public Healthcare (HTPH) ttuanvo ngeitu upa sin in thawng kan theih.

Hakha SAC nih an chuahmi mithi cazin le HTPH nih bawmhnak a pekmi mithi milu fonh in Hakha ah COVID-19 mithi zapi minung 37 an si, tiah HTPH Director Rev. Ni Cung Thang nih a chim.

“SAC nih an chuahmi mithi cazin (mithi 17) le kanmah HTPH nih COVID-19 in an thi tiah bawmhnak kan pekmi hna he fonh ahcun COVID-19 Third Wave hnu in Hakha ah mithi minung 37 an si cang. Zawtnak dang in a thimi minung 19 zong an um,” tiah a chim.

HTPH le Hakha Rual-U tawlrelnak in COVID-19 in a thimi paoh cu Rual-U thlaan ah thlaan man 200,000 MMK in an vui hna. Ahlan ah thlaan man 300,000 MMK a rak si.

Hakha Rual-U nih thlaan man 200,000 MMK tiang an tthumh bang in Hakha khuachung a dang thlaanhmun pawl zong nih thlaan man 200,000 MMK ah an tthumh cio cang hna, tiah Rev. Ni Cung Thang nih a chim chap.

Latest News

News in Burmese