Hakha ah CNLD in i Zuam Ding in Form a Ap Ngaingaimi an Um Rih Lo

| The Chin Journal | Hakha, Chin State

Aralaimi 2020 thimnak ah Hakha peng chung CNLD in i zuam ding in CNLD zung ah Form a ap ngaingaimi an um rih lo, tiah Hakha peng CNLD tuanvo ngeitu sin in thawng kan theih.

2020 Myanmar rampi thimnak ah Laitlang ah CNLD in i zuam a duhmi paoh nih CNLD peng zung cio ah Form lak i ap khawh a si tiah CNLD nih thawng an rak thanh i Hakha ah cun Form phit in a pa ngaingaimi atu tiang an um rih lo nain hmurka in CNLD in kan i zuam lai tiah a titu cu minung 4 an um, tiah Hakha peng CNLD tuanvo ngeitu Salai Van Tin Lian nih a chim.

“Atu tiang ah zung ah ra in Form a rak phimi cu an um lo. Asinain, hmurka in CNLD in kan i cuh lai a timi minung 4 cu an um cang,” tiah a chim.

CNLD aiawh in Hakha peng chung thudan 5 ah aa zuam dingmi hna Form cu April thla dih tiang phit khawh a si.

Thimnak ah aa zuam dingmi hna palai pawl ahote an si lai timi kong cu May thla chung ah Hakha peng CNLD meeting an tthu lai i, a fiang te lai tiah theih a si.

Latest News