Hakha ah 4 Star Hotel Pathum Sak Ding in Chin Ramkulh Cozah nih Timhtuah

| The Chin Journal | Hakha, Chin State

Hakha khua ah 4 Star level a simi Hotel pathum sak ding in Chin ramkulh cozah nih timhtuahnak a ngei, tiah theih a si.

Hakha ah Hotel a satu ding Company hna cu King Solomon, KL Amazing, Shwe Thar Shwe May le Aung Kan Thar company hna hi an si. King Solomon le KL Amazing hi Chinmi company an si.

“Furpi dih ah rian an domh lai. Vawleihmun pungsan 105/106 suai ding rian a um rih. Mah aa lim in kan sak lai. Acheu company nih cun kum khat ah lim ding in an ti. Acheu nih kum 2 an ti ve. Hotel pakhat saknak ca ah Acre 4 le 5 karlak vawleihmun pek an si. Hotel pakhat ah ting 30,000 MMK le ting 45,000 MMK hrawnghrang phaisa hrambunh in sak ding a si,” tiah vuanci U Soe Htet nih a chim.

Hotel an sak nakding hmun hi Hakha Golf tuknak le College hmun, cun khuasamhnak hmunhma zong ah timhtuah a si, tiah theih a si.

-Zalen

Latest News