Hakha: A Ni Khatnak Paletwa Ralzam Bawmhnak Ting 90 Deng an Hmu

| The Chin Journal | Hakha, Chin State

Chin ramkulh, Paletwa peng ah AA le Kawl ralkap an i kah ruang ah karlak tenh in harnak a tongmi kan unau ralzam hna ca ah Hakha khuapi ah Paletwa Ralzaam Bawmtu Phu nih June 25 ah bawmhalnak an tuah i ting 8,938,500 MMK an hmu, tiah thawng kan theih.

Nihin hi Hakha mino hruainak in Paletwa ralzam hna ca ah bawmhalnak a nikhatnak an tuah lawng a si rih i Hakha khuachung sang 4 ah an kal kho.

Bawmhalnak ah tuanvo ngeitu Elisama nih, “Nihin cu Pyidawtha, Dawrthar, Khuathar le Dinlo ah kan kal kho. Cacawn ninga ni tiang bawmhalnak kan tuah lai i sang 4 vah ding a taang rih,” tiah a chim.

Paletwa ralzam hna ca i bawmhalnak cu Chin ramkulh chung Mindat, Matupi le Falam zong ah tuah a si cang i Yangon zong ah June 23 thawk khan Chin Khrihfabu pawl sin ah bawmhalnak an tuah ve.

2015 thawk in AA le Kawl ralkap Paletwa peng ah an i kah ruang ah ralzam 3,000 leng an um, tiah theih a si.

Latest News