Gen Aung San Milem Phun Kong a Voi 2nk Meeting HCN Nih a Tuah Lai

| The Chin Journal | Hakha, Chin State

Hakha khua ah General Aung San milem phunnak kong he pehtlai in Hakha zatlangbu pawl riantuan tinak (Hakha Civil Society Network-HCN) nih tu thla chung ah a voi 2nak meeting an ngei lai, tiah thawng kan theih.

September 18 ah khan HCN nih Gen Aung San milem kong he pehtlai in tonpumhnak voi khat a tuah i zatlang bu 15 leng in aiawhtu minung 20 leng an chuak ko.

Cu tonpumhank ah cun Hakha khua ah Aung San milem phun ding timi cu HCN nih a tlangpi in cun kan dirkamh lo, tiah ruahnak an langhter.

HCN Coordinator Saya Thawng Cung Nung nih, “Hakha Gen Aung San milem phun ding timi cu HCN nih a tlangpi cun kan hna a tla lo tiah kan ti. Aralaimi September 28 ah khin tonpumhnak kan ngei than lai i fiang deuh in kan ceih¬† lai. Atulio cun thil sining fiang in chim awk a tha rih lo,” tiah a chim.

September 28 tompumhnak ah Hakha zatlangbu hna, mino bu hna le khuanu khuapa tam deuh piin ceihmainak hmun ah an i tel khawh nakhnga HCN nih saduhthahnak zong a ngei.

Gen Aung San dar milen cu Hakha khua ah a phan cang i Chin ramkulh hluttaw zung ah fim chung a si.

Gen Aung San Park (Panchian) ah hun ding a si nain cu Park hmunhma cu Hluttaw zung saknak ah hman a si cang caah milem phunnak hmunhma a um rih lo.

HCN nih Hakha ah Gen Aung San milem phun cu a tlangpi in an dirkamh lonak kong an langhter bang in Chin sianghleirun siangngakchia bu zong nih Gen Aung San milem phun kan duh lo tiah cathanh an chuah.

Latest News