Game Celhnak in US $ 200,000 Hrawng a Hmumi Kum 14 Ngakchia Pa

| The Chin Journal | Hakha, Chin State

American ram, New York City, Smithtown ah a ummi kum 14 ngakchia pa cu nikhat suimilam 8 in 18 kar ‘Fortnite’ game aa celhnak in US $ 200,000 (Kyats Ting 3000) hrawng a hmu cang.

Griffin Spikoski tiah auhmi kum 14 ngakchia pa nih hin Fortnite game teinak a hmuhmi video pawl YouTube Channel a ser i a thlah tawn. Atu ah a video a zohtu minung 7.5 Million an phan cang.

Aluancia thla 9 lio in khan game kah hram aa rak thok. Atu ah YouTube Channel cawngia in US $ 200,000 hrawng a hmu cang. A video Channel Subscribe a tuahtu minung 1 Million hrawng an phan cang.

Game lawng te in caan a hman cang caah sianginn ca pawl zong online in a cawng. Online in tangka a hmuhmi tawlreltu le advisor caah a nu le a pa nih minung pakhat an hlan piak.

Game kahnak in a hmuhmi tangka cu College kainak le inn cawknak ah ka hman lai tiah Griffin Spikoski nih a chim.

-Daily Mail; ABC

Latest News