Federal System Kan Hman Lawng ah Hriamtlai Buaibainak a Zor Kho Lai

| The Chin Journal | Hakha, Chin State

Federal System kan hman lawng ah Myanmar ramchung ah a cang cuahmahmi ramchung ral a zor lai i daihnak le phung lennak (The Rule of Law) timi a um kho lai, tiah Thura U Shwe Mann nih a chim.

Hitihin U Shwe Mann nih a chim hi Kaya ramkulh, Lwaikaw khua ah tuahmi Union Betterment Party (UBP) le mipi tonnak lio ah a si.

“Federal uknak kan timi cu ramkulh hna nih mahte in i uk khawhnak, mahte in phung sersiam khawhnak, i buaktlak tein covo le nawlngeihnak hmuhnak; cun, leichungchuak mansung zong aa buaktlak tein ramkulh le ramthen hna i thenphawtnak timi i hruai ningcang kha a si i, Center uknak zorter i ramkulh le ramthen hna ah nawlngeihnak uak deuh in hrawmh kha a si,” tiah a chim.

Thura Swe Mann cu ralkap chan ah Myanmar ram ah nawl a ngei bikmi minung pathum lak ah a rak i telmi a si i, ralkap le USDP in aa dinh hnu ah NLD cozah nih Legal Affairs and Special Cases Assessment Commission haotu ah an rak hman. Cu dih cun UBP party a hun dirh hi a si.

-MCN News

Latest News