February Zarh Khatnak COVID-19 Kham Sii Ting 20 Myanmar ah Phan Than Lai

| The Chin Journal | Hakha, Chin State

February zarh khatnak chung ah Myanmar ram ah COVID-19 kham sii ting 20 a rak phan tthan lai, tiah Myanmar ram ngandamnak zung nih thawng a thanh.

India cozah nih COVID-19 kham sii ting 30 Myanmar sin ah laksawng a pek i, atu a phan tthan ding hi Myanmar cozah nih cawk ding in a cahmi chung in a voi khatnak an rak phaktermi a si lai.

Cu sii a phak dih hnu ah Myanmar rammi hna COVID-19 kham sii chunhnak cu February 5 in an thawk lai i ramkulh le ramtthen kip i acozah bu chungtel hna le rammi cheukhat hmun khat ah sii chunh a si lai.

Atutan a voi khatnak a phan cangmi COVID-19 kham sii cu thaizing January 27 ah Myanmar ramchung i ngandamnak rianttuantu hna an chunh hmasa hna lai.

Cu dih cun January 29 le 30 ah Pyituh Hluttaw le Amyotha Hluttaw palai pawl an chunh ve hna lai.

Myanmar rammi kip COVID-19 kham sii i chun kho ding in ningcang phunphun hmang in COVID-19 a ttha bikmi hmuh cawk khawh kan i zuam cuahmah, tiah Myanmar ram ngandamnak zung nih thawng a thanh.

Cherhchan: Ministry of Health and Sports

Latest News

News in Burmese