Falam Sizung i COVID-19 Mizaw nih Damnak an Hmu Dih Cang

| The Chin Journal | Hakha, Chin State

Falam sizung ah a ummi COVID-19 mizaw lak ah ahnubik a taangmi mizaw pakhat cu nihin ah sizung in a chuah caah Falam ah COVID-19 mizaw an um ti lo, tiah theih a si.

COVID-19 zawtnak tilet a voi hnih a hun chuah in Falam ah COVID-19 mizaw 4 hmuh an rak si.

Falam palik pakhat telh in a dang minung pahnih nih tuan ah damnak an rak hmu cang i, nihin ah a donghnak bik mizaw sizung in an ttumter hi a si.

Chin ramkulh chung ah COVID-19 mizaw 55 an hmuh hna i cu chung ah cun a tam u nih damnak an hmu cang hna.

Hakha Indwinhmu Sianginn ah Quarantine a um i, COVID-19 zawtnak an hmuhmi sayama nu cu October 19 ah Hakha sizung in a rak chuak cang.

Cun, Pakhuku in Hakha ah a rak phanmi motor mongtu le a hnuzul zong damnak an hmu i October 24 ah sizung in an chuahter cang hna.

Tedim le Mindat sizung ah a zohkhenhmi hna COVID-19 mizaw chung zong in tutan zarh chung ah pehzul in damnak a hmumi an um hna.

Latest News

News in Burmese