Falam Pawng Vaar Tiva ah Ngakchia 3 Ti an Paam

| The Chin Journal | Hakha, Chin State

Falam peng, Manipur tiva Vaar donhhlei pawng ah ngakchia pathum May 1, zinglei suimilam 10:30 ah ti an paam tiah theih a si.

Falam khua um siangngakchia 29 cu sianginn khar chung mirangca cawn an lim ni ah Vaar donhhlei pawng Manipur tiva ah an kal i ti an i lio hna.

Ngakchia pathum cu an i tengh hnu ah ti thuhnak lei an phan i ti ah an paam thai. Ti a paammi hna hi kum 9 in kum 12 kar pa ngakchia an si.

Falam khua Redcross phu in tuanvo ngeitu pakhat nih “Suimilam 12:00 pm ah ka va phan i minung 2 cu an chuah khawh cang hna. A dang pakhat tu cu suimilam 3:00 pm hrawng ah a ruak an hmuh. An ruak hi ti an i lionak in pe 15-20 hrawng a hlatnak ah an hmuh hna. Pakhat tu cu pe 100 hrawng aa hlatnak hmun ah an va hmuh. Ti an tlaknak hmun hi Vaar donhhlei in nichuak leikap ah a si. Hi hmun hi minthang a si, a paam mi an tlawm ti lo” tiah a chim.

-Zalen

Latest News