Fa 1 Ngei Cia Nutung No Online a Tlangval Pa nih Nam in Voi 16 a Sawh

| The Chin Journal | Hakha, Chin State

Pegu ramthen, Daik-u peng ah fa 1 ngei cia nutung no pakhat cu online a tlangval pa nih nam in voi 16 a sawh i a nunnak a liam.

Daik-u peng, Pyin-ma-lwin khuate ah kum 23 nutung no pakhat cu aluancia Jan. 30, zaanlei sml. 4:30 hrawng ah leikuang chung ah nam sawhnak hliamhma he a ruak in an hmuh. Palik nih hlathlainak an hun tuah tik ah cun online cung a tangval pa kutneh a si tiah an chim.

“Online a tlangval pa he cun Jan. 26 ah leng an chuak. Jan. 28 ah tlangval pa cu amah lawng inn a rak tin, mithattu cu suimilam 48 chung timhtuahnak a ngeih caah inn a rak um ti lo. Tlaih ding in kan kawlhawl cuahmah lio a si” tiah Daik-u peng palik sakhanmu Nay Lin nih a chim.

“Hlathlainak kan tuah khawh tak ah cun, nutung nu hi Daih-u peng Sin-za-lok khuami a si. Kum 2 a si cangmi fapa pakhat te a ngei, a vapa hi Thailand ah riantuan ding in a kalmi a si. An khua kiangkap ah a ummi a dang khua tlangval pakhat he online in an i duh” tiah Sakhanhmu Nay Lin nih a chim.

Nutung nu cu a pumpuluk namte sawhnak hliamhma 16 a um. Mithattu tlangval pa cu nihin tiang an tlai kho rih lo.

-Myanmar News

Latest News