Evan David Lah le a Hawile Minung 4 Taza an Cuai Hna

| The Chin Journal | Hakha, Chin State

COVID-19 zawtnak a karh lo nakhnga mibu tonpumhnak kham a si lio ah Evan David Lah te nih pumhkhawmhnak an tuah ruang ah tazacuai an si, tiah theih a si.

Yangon khua i 8 Mile ah a ummi biakinn ah March thla thih lei thawk ah khan Evan David Lah le Myo Gyi te nih Dream Ministry timi Facebook Page hmang in Pathian thangthatnak Live an thlah tawn.

Anmah sin ah aa pum i, Keyboard a tummi tlangval pate cu COVID-19 a ngei (Case 34) tiah fehter a si hnu ah a dang aa pummi pawl zong zawtnak an i chonh dihmi an hmuh hna.

Evan David La pumpak le Myo Gyi zong COVID-19 zawtnak an i chawn ve pin ah anmah sin ah aa pummi minung tam u zawtnak an ngei dih.

Yangon ramtthen chung COVID-19 zawtnak khenkhamtu bu nih Evan David Lah telh in pumhnak a hrihawhtu minung 4 cu Mayangone palik zung le Insein palik zung ah taza kan cuai hna, tiah April 14 ah phungning in thawng an thanh.

Ref: 7Day News Journal

Latest News

News in Burmese