Evan David La Sizung ah an Kalpi, Myo Gyi Te Chungkhar Quarantine an Chiah Hna

| The Chin Journal | Hakha, Chin State

Kawlram minthang Evan David La cu nihin zanlei ah sizung ah an kalpi i Myo Gyi te chungkhar zong atu zanlei ah Quarantine tuah thawk an si.

Evan David La le Myo Gyi hi Insein sizung ah an thlopmi COVID-19 mizaw pali he naihniam in aa pehtlaimi an si.

“Evan David La hi khuhkhuh le damlo in a um caah anih cu nihin zanlei ah khan sizung ah an kalpi,” tiah Evan David La he naihniam in Pathian rian a ttuanmi sayama pakhat nih The Chin Journal ah a chim.

COVID-19 zawtnak an ngeih ve le ngeih ve lo cu an pumcung tihaang (Sample) an check hna hnu ah a fiang telai.

Myanmar ram ah COVID-19 mizaw 39 hmuh an si cang i, minung 2 nih damnak an hmu. Minung 3 an nunnak a liam cang.

COVID-19 zawtnak a ngeimi minung 39 lak ah minung 19 cu Khrihfa an si i, ramdang lei in a rak tlungmi an tam.

Latest News

News in Burmese