Esther Dawt Chin Sung nih Nizan ah a Sak Thanmi Winner Song| Video

| The Chin Journal | Hakha, Chin State

Chinland FC nih tuahmi Myanmar Idol Season 4 ah teinak a hmumi Chinmi pawl conglawmhnak le laksawng peknak puai ah Esther Dawt Chin Sung nih a sak tthanmi Myanmar Idol 2019 Winner Song a si.

A leng zong ah Esther hi a aw a rak ttha hrimhrim. Nizan Live kan thlah lio ah hla an sak lai paoh ah connection a tlak zungzal ca ah ngaih tthan a duhmi caah kan rak tar tthanmi a si.


January 11, zanlei sml. 6:00 ah Chinland FC nih North Dagon ah a ummi Gospel for Asia (GFA) Baibal Sianginn ah Myanmar Idol Season 4 ah teinak a hmumi Chinmi pawl conglawmhnak le laksawng peknak puai a tuahpiak hna.

Chinland FC cu Myanmar ram bawlungchuih zuamnak Myanmar National League (MNL) ah Chin miphun aiawh in aa zuam cuahmahmi Football Club a si.

Myanmar Idol ah teinak a hmumi Esther Dawt Chin Sung, Benjamin Sum, Yaw Kee le Tan Khun Kyaw sawm an si i, Tan Khun Kyaw bel khual lamhlat a um lio a si caah a rak i tel kho lo.

Conglawmhnak puai ah GFA Baibal Sianginn dirhtu Dr. Bishop No Chum nih lunglawmhnak le forhfialnak biatawi chimnak a ngei.

Cu dih cun, Myanmar Idol Top-5 ah aa telmi Yaw Kee nih Pathian thangtthatnak hla a si i, Dr. Sa Sa nih biatawi chimnak in a peh.

Cu dih cun laksawng peknak in program an peh i, Myanmar Idol ah teinak a hmumi Chinmi hna cu conglawmhnak roca le tangka 500,000 MMK cio Chinland FC nih laksawng a pek hna.

Laksawng peknak a dih in Yaw Kee, Esther Dawt Chin Sung le Benjamin Sum nih hla fung 2 cio an sa.

Myanmar Idol ah teinak a hmumi Chinmi pawl hi Yangon ah a ummi Chin miphun huap in dirhmi bu Chin Christian Alliance(CCA) le All Chin Society (ACSY) zong nih conglawmhnak an rak tuahpiak cang hna i, atutan hi a voi 3nk a si.

GFA ah Chinland FC nih a tuahmi Myanmar Idol teinak hmu Chinmi pawl conglawmhnak hmun ah minung 1,000 hrawnghrang an rak i tel kho i, zan sml. 9:30 hrawng ah program ngol a si.

Latest News

News in Burmese