, /

Dr. Lian Hmung Sakhong Chimmi CDM Hmuitinh

The Chin Journal | Hakha | Chin State

Dr. Lian Hmung Sakhong nih “Atulio nunnak pek in kan tuah, kan ttuan, kan aupi mi CDM Hmuitinh cu a tang lei bang in a si,” taih a tanglei bang in a ttial:-

1. Civil Disobedience Movement (CDM) a hmutinh cu kan ram ah Democracy nunter tthan ding a si.

2. Ralkap nih mipi sin in Democracy an kan chuh. Cucaah, Democracy a firmi Ralkap Uknak cu kan doh lai, kan hrawh cikcek lai.

3. Ralkap Uknak kan duh lo i, hrawh kan duh a si ahcun Ralkap Uknak a nuntertu 2008 Phunghram (2008 Constitution) kan hrawh hrimhrim a hau.


Ralkap nih Bank Sachoh Pawl anmah Nawl in an Zuar

Ralkap cozah nih Myanmar Central Bank i Bank Sachoh (Treasury Bond/ငွေတိုက်စာချုပ်) pawl anmah nawl in an zuar, tiah 2020 thimnak ah teinak a hmumi Myanmar

Zeidah Kan Tuah Lai?

1. Democracy a nun tthan nakding ah mipi nih kan thimmi hna MP pawl nih Chinram Acozah nan ser a hau. Parallel Government of the Chin State, ti a si lai.

2. Government of Chin State ah 2015 Election lio thimmi MP le Minister pawl le 2020 Election ah thimmi MP vialte i tel khawh a si lai. 2015 Election ah thimmi MP pawl nih official tein 2020 Election ah thimmi MP sin ah handover (nawlngeihnak peknak) an tuah rih lo caah an nawl ngeihnak a nung rih.

3. Chinram chung ah Chin mipi nih kan i thimmi hna MP vialte, NLD party nan si zong, a dang party nan si zong ah atu hi hmunkhat tein nan dir tti a hau. Parallel Government of Chin State cu 2020 Election in thimmi MP pawl nih official tein nawlngeihnak an lak hlan tiang rian a ttuan lai.

4. Mizeimaw nih MP pawl nan “Nawlngeihnak” (Political Mandate) hi 2008 Constitution in a ra tiah ruah sual a si tawn. 2008 Consitution in MP pawl nan “Mandate” a ra lo. Mipi sin in a ra. Mipi hi “Ram Nawlngeihnak Vialte” (State’s Sovereign Power) a ngei tu kan si. Constitution a um zong, um lo zong ah “Sovereign Power” cu Mipi kut ah a um. Cucaah, “Thimnak” (Election) cu Constitution um lo zong in tuah khawh a si. A um zong ah tuah khawh a si. 1990 lio ah Constitution um loin Election tuah a si. 2020 ah 2008 Constituion in tuah a si. MP pawl an mandate (nawlngeihnak) ngeih ning aa khat ko. (Israel le England ah Constitution an um lo. Asinain, Election hman tein an tuah i, Democracy a nung peng ko!)

5. Chinram MP vialte nih arannak in Chin State Government cu parallel in tuah zau uh law Mipi nih kan in dirkanh hna lai. Atu Shan State, Kaya State, Rangoon, Mandalay, Pegu le Irrawaddy Regions pawl ah Mipi thimmi MP nih parallel government cu tuah cio a si cang.

Chinram le Chin miphun zong Chin State Government tuah ding ah can a za cang!

Upnatnak he,

Dr. Lian Hmung Sakhong

2021-02-17

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.