, /

Dr. Hmuh Thang: Ralkap Party tiah Party Dang nih a kan Soisel caah kan Sung

The Chin Journal | Hakha | Chin State
Chin ramkulh hluttaw palai Dr. Hmuh Thang

Ralkahtu party dang pawl nih USDP cu ralkap party tiah soisel in vote lemsoinak an tuah ruang ah kan sunghnak hi a si, tiah Thantlang ah aa cuhmi Dr. Hmuh Thang nih a chim.

“Angai ah ti ko lo cun a dang party pawl nih USDP vote nan pek ahcun porter nan phor tthan lai ti phun in vote lemsoinak an tuah tikah mipi zong nih cuticun an ruah. Ahlan ralkap chan i poster an rak phorhmi le hrem an rak tonmi kha kanmah USDP cung ah sual an kan phorhter. Angai ah cun kanmah USDP kan kai hnu ah pei porter phorh te hna a um ti lo cu. Khakha ningcang loin vote lemsoinak ah an hman caah a si,” tiah Dr. Hmuh Thang nih a chim.

Thantlang peng ramkulh hluttaw-2 hmunhma ah NLD in Sayama Ni Sui Lian, CNLD in Pu Hmun Ro Lian, Pumpak in John Lung Thli Tum le USDP in Dr. Hmuh Thang an i zuam hna i NLD in Sayama Ni Sui Lian nih a tei dih hna.

Teitu sayama Ni Sui Lian hi 2015-2020 ah Thantlang peng aiawh in Pyituh Hluttaw ah a tthumi a si i, atutan ah ramkulh hluttaw ah i tthial i Dr. Hmuh Thang a vun zuamcawh tik ah teinak a hun hmuh tthan hi a si.

Atutan thimnak ah Chin ramkulhpi huap in NLD nih tthudan 36, CNLD nih tthudan 1 le ZCD nih tthudan 2 ttin an co hna.

[Khonumthung]

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19