Distance in a Kaimi University Siangngakchia Pawl Kum Khat Voi 2 Kai Si Cang Lai

| The Chin Journal | Hakha, Chin State

Aralaimi 2020 fimcawnnak kum thawk in Distance Education (အေ၀းသင္) in a kaimi sianghleirun siangngakchia pawl nih kum khat ah voi 2 an kai a hau cang lai, tiah Myanmar ram fimcawnnak vuanci Dr. Myo Thein Kyi nih a chim.

“2020 in kan thawk cang lai. Hi bantuk in kan thawk tik ah micheu caah harnak a um kho ko. (Zung a Kaimi hna) caah khonh (permission/ခြင့္) pek lo zong an tong kho. Asinain, tlamtlin ding in kan tawlrelpiak hna lai,” tiah a chim.

Distance Education in a kaimi sianghleirun siangngakchia hna nih caminpuai phit lai lawng ah ni 10 an kai tawnmi system hi thlen a hau tiah vuanci nih a chim chap.

“Sianghlei run on lio ah kan pekmi hna Text Book pawl zeitindah kan cawn lai, zeitindah kan fian lai timi pawl hi an theihthiam a herh. Cucaah, May thla ah ni 5 chung an kai lai i Orientation Teaching kan pek hna lai. Cu dih cun caan karlak cu anmah zung riantuan pah in ca an rak zoh ve ko lai. Cun, caminpuai phit lai ah ni 5 chung kai ding in an rak ra tthan lai. Hitihin kan tuah khawh a si ahcun mah hlan nakin thiamnak lei ah an i chap deuh lai,” tiah vuanci Dr. Myo Thein Kyi nih a langhter.

A cunglei ning in ahramthawk nakding ca ah 2020 thawk in Arts subject a lami Distance Education siangngakchia pawl cu May thla le November thla ah ni 5 cio kai ding in timhtuahpiak an si.

Asinain, atu bantuk in Distance Education siangngakchia pawl kum khat voi hnih kai ding in khuakhaannak hi siangngakchia pawl ca ah dih-heumi a tam, cun, zung riantuan hna ca ah khonh hmuh lo tibantuk zong a um khawh ve caah a herh a si ahcun phundang in thlen tthan awk ah kan ruah tthan lai, tiah Dr. Myo Thein Kyi nih Media pawl sin ah a chim.

-7Day Daily

Latest News